Шайх Умар Вали Боғистоний зиёратгоҳ

Шайх Умар Валий Боғистоний 1230 йил Бўстонлиқ тумани Боғистон қишлоғида таваллуд топган ва 1320 йил 90 ёшида вафот этган. Шайх Умар Валий Боғистоний машҳур тариқат вакилларидан бири бўлган. Унинг ўғли-довруғи етти иқлимга кетган шайх Хованди Тоҳур бўлиб, у Шайх Умар Валининг ягона фарзандлари бўлган. Эвараси-Нақшбандия тариқатининг пешвоси шайх Хўжа Аҳрор Вали XV аср Мовароуннаҳр маънавий ва сиёсий ҳаётида катта ўрин тутган. Шайх Умар Вали Боғистонийга қурилган мақбара меъморий ечими жиҳатидан содда услубда қурилган бўлиб, мамлакатмиз мустақиллик йилларида қайта таъмирланган. Мақбарада, юзасига етти қатор ёзув ва “1189 йил” деган сана ўйиб ёзилган ғаройиб узунчоқ қайроқтош бўлиб, айтишларича, тошга қўл теккизиб, чин дилдан ва эзгу ният билан илтижо қилинса, одамнинг ҳар қандай тилак-истаги амалга ошар экан.